ღვინისა და განტვირთვის ოთახი


სივრცის დაგეგმვისას ერთ-ერთი მთავარი გამოწვევა მისი საცხოვრებლად გარდაქმნაა, რაც სიმყუდროვის მაღალ მაჩვენებელს გულისხმობს. ეს კონკრეტული სივრცე კი მხოლოდ იმისთვისაა განკუთვნილი, რომ მყუდრო იყოს.
ამ მიზნის მისაღწევად დაპროექტდა კლასიკური ელემენტებით გამდიდრებული სივრცე. ოთახში, პირველი, რაც თვალში მოგხვდებათ აქცენტური ღვინისა და სიგარის კედელია, რომელიც სივრცის ფუნქციაზე ამახვილებს ყურადღებას. 


მიმზიდველი ატმოსფეროს გასაძლიერებდალ ჭერსა და იატაკზე გამოყენებულია ხის ფაქტურა, დახვეწილი შტრიხებისთვის კი მარმარილოს ელემენტები გვხვდება. საერთო განწყობის შესაქმნელად კედლები მდიდრული მწვანე ფერში არის გადაწყვეტილი, რომელსაც სივრცეში დამატებითი სიმყუდროვე შემოაქვს.

ბუხარი, თითქოს ისედაც უნაკლო სივრცის დამაგვირგვინებელი ელემენტია, რომელიც სივრცეს სითბოთი და ელეგანტურობით ავსებს.

შედეგად მივიღეთ მდიდრული, მაგრამ ძალიან მყუდრო გარემო, რომლის მასალები, ფერები და დეტალების საგულდაგულოდაა შერჩეული.