საცხოვრებელი სახლი წავკისში

გვერდით მდებარე შენობის არქიტექტურული ესთეტიკით შთაგონებულებმა, გადავწყვიტეთ შეგვენარჩუნებინა მსგავსი მასალების გამოყენებით მიღწეული ერთიანობა, რამაც უზრუნველყო სახლის უმტკივნეულო ინტეგრაცია არსებულ გარემოსთან.

საცხოვრებელი სახლი წავკისში, რომელიც აქცენტს აკეთებს ბუნებრივ განათებასა და ენერგოეფექტურობაზე, გამოირჩევა ფართო ტერასით და პანორამული ხედებით. მისი თანამედროვე ელეგანტურობა შავი კომპოზიტური პანელების, კერამიკული ფილების, ხის მოპირკეთებისა და ლითონის აქცენტების გამოყენებით, ჰარმონიულად ერწყმის ლანდშაფტს. სახლის გარშემო მოწყობილი გამწვანებული ეზო გვთავაზობს უამრავ ადგილს დასვენებისათვის და გარე აქტივობებისათვის.

იმის გათვალისწინებით, რომ გარშემო ტერიტორია უმეტესად დაუსახლებელი იყო , ჩვენ მიზნად დავისახეთ არა მხოლოდ საცხოვრებლის შექმნა, არამედ ამ ახალი უბნისთვის ვიზუალური იდენტობის ჩამოყალიბება.