საცხოვრებელი სახლი წავკისში

სახლის მთავარი ხიბლი უკანა ეზოშია, სადაც ფართო ტერასებია განთავსებული რომელიც ბინადრებისათვის შთამბეჭდავ ხედებს შლის. ტერასიდან ხედი ღია აუზზეც და სახლის გარშემო არსებულ ტერიტორიაზეც გადის. ტერასების დიზაინი მიზნად ისახავდა, როგორც ვიზუალური მიმზიდველობის შექმნას, ისე დასვენებისთვის იდეალური გარემოს გაჩენას. მთავარ ტერასაზე განთავსებული ბუხარი ქმნის მყუდრო ატმოსფეროს, რაც მეტად კომფორტულს ხდის შეკრებებს.

სახლის დიზაინში შერჩეული მასალები იდეალურად ერწყმის ერთმანეთს, ქმნის ესთეტიკურად ლამაზ და გამძლე გარემოს. ნაცრისფერი ტრავერტინის ფილები უსვამს ხაზს დახვეწილობას. ფასადისა და ჭერის ხის მოპირკეთება კი სითბოსა და ბუნებასთან კავშირს გამოხატავს.

დიდი აივნები მობინადრეებს საშუალებას აძლევს, ისარგებლონ როგორც დახურული, ისე ღია სივრცეებით. აივნებიდან იშლება პანორამული ხედები, რომლებიც ამ სივრცეს კიდევ უფრო მიმზიდველს ხდის. თანამედროვე არქიტექტურით, ფართო ტერასებითა და გულდასმით შერჩეული მასალებით, წავკისში მდებარე სახლი ელეგანტურობის, ფუნქციონალურობისა და ბუნებრივ გარემოსთან კავშირის ნათელი მაგალითია.