საცხოვრებელი სახლი ლისზე

დიზაინში დიდი ყურადღება მივანიჭეთ განათებას, მიზანი კი მაქსიმალურად ნათელი სახლის შექმნა იყო. შენობის განლაგება და მასალების სწორად შერჩევა ზრდის როგორც ინტერიერის ხილვადობას, ასევე ენერგოეფექტურობას.

ფასადი დიზაინის თანამედროვე ელემენტებსა და ბუნებრივ გარემოს შორის ჰარმონიის იდეალური მაგალითია: ღია ფერის ხისა და ტრავერტინის ქვის ფილები ერთმანეთს მარტივად ერწყმის, რაც ექსტერიერში თანამედროვე, დახვეწილ ეფექტს იძლევა. ფასადში გამოყენებული ხის საჩრდილობელი ესთეტიკურ ღირებულებასთან ერთად, მდგრად და ენერგოეფექტურ დიზაინსაც უზრუნველყოფს, ხოლო აივნებზე და სახლის გარშემო არსებული გამწვანება ბუნებრივ ატმოსფეროს ეხმიანება.

სახლის ეზოში აუზია განთავსებული, რაც კომფორტული დასასვენებელი სივრცის შექმნის გარდა, დიზაინის მნიშვნელოვან შემავსებლად იქცა.
თანამედროვე და ენერგოეფექტური ელემენტების შერწყმით იქმნება კომფორტული, დახვეწილი და მდგრადი საცხოვრებელი სივრცე.