საცხოვრებელი სახლი დიღომში

სახლის პროექტირებისას მთავარი აქცენტი გაკეთდა მზის ოპტიმალურ
ორიენტაციაზე. ეს დეტალი განსაზღვრავს როგორც სახლის ენერგო-ეფექტურობას ასევე ბუნებრივი განათების სწორ განაწილებას ინტერიერში , რაც ჩვენი ერთ-ერთი მთავარი პრიორიტეტია ნებისმიერ პროექტზე მუშაობისას.

შენობის ფასადი გამოირჩევა დახვეწილი მასალების შეხამებით. ტრავერტინის ქვა ფასადის ძირითად ელემენტს წარმოადგენს, რაც მას მდგრად და ელეგანტურ იერს სძენს . დაუმუშავებელი ბუნებრივი ქვის მცირე დეტალები კი გარემოსთან ორგანულ კავშირს მატებს. ფასადზე და სახურავის ძირზე გამოყენებული ხის
პანელები სიმყუდროვისა და სითბოს შეგრძნება შემოაქვს, ხოლო შავი ლითონის აქცენტები
დიზაინს ელეგანტურობას და სიმკვეთრეს მატებს.

მთავარი ტერასა ფუნქციონალურობისა და ესთეტიკის შერწყმის იდეალური მაგალითია. მინის გადახურვა, რომელიც დამაგრებულია ლითონისა და ხის გამჭვირვალე კონსტრუქციაზე, იცავს სახლს წვიმისგან, თუმცა არ აკავებს მზის სხივებს. ტერასაზე ინტეგრირებულია გამწვანების ელემენტები, რომლებიც მეორე
სართულის მთავარ აივანზეც გვხდება.

ეს სახლი წარმოადგენს თანამედროვე არქიტექტურული ხედვის ნიმუშს, რომელიც არა მხოლოდ ჰარმონიულად ერწყმის გარემოს, არამედ უზრუნველყოფს კომფორტისა და ფუფუნების განცდას.